الحب الحقيقي
الحب ده حاله. بتعدي علي الفكر
تاخد خياله
تجرى في روحى. وفي دمي.
وابقي الكحل. لعيونه .وحارس الرمش والنني
وحالى يبقى من حاله
ويبقي فى النهار غنوه...وفليلى برده مواله
وكون انا داره . وهو للفؤاد. وطني
ونعيش.كدا الاتنين...فى نعيم..قلوبنا سكانه
الحب الحقيقي
يجي كده خلسه. ..يكسر العضم
ويهد في الجته. . ويخلي القلب ميت حته
ونتلاقي وناخد السكه..
ويمر اللقي نسمه. . والسلام في اللقي لمسه
ونتدارى عن عيون الناس
ونشوف العيون بصه
ونفرط كل عواطفنا. .ونبقي في الهوي قصة
فيه المشاعر بتتسرسب
واتجمل واتسبسب
وارمي كل احزاني ولا ابقي ولا أرسب
واعيش في الغرام يومي
لا اقسم ولا احسب
ولا النهارده خسران ايه
ولا بكره ايه اكسب
يخليني وانا صاحي كالنعسان
ولما انعس ابقي عنه مش غفلان
وارقص وانا غضبان
وابقي في الغنا كروان
واروي الفل في الغيطان
يخليلي البيوت اوطان
واصالح اللكان زعلان
ويبقي في العيون واضح
ومش نافع معاه كتمان
الحب الحقيقي
مش للهواه ده اسلوب حياه
تبقي عارف فين نهايته. فين منتهاه
يبقي ليك طوق نجاه
يبقي ارضك تكون سماه
يبقي ساكن جوه روحك
وروحك كمان سكناه
يبقي الدم في وريدك
يبقي شريان. الحياه
الحب الحقيقي
تعيشه بكل تفاصيله
تكون شمسه . تكون ليله
تكون في الضلمة قناديلة
يبقي عيدك يوم عيده
وتبقي دنيتك ايده
ولو الطريق وصل منتهاه
وخيرتني الحياه
بين حبه وبين سواه
معاه ارجع انا اعيده
هو. ده الحب الحقيقي. اشرف اسماعيل
اشرف اسماعيل
